MI PRIMER ARTICULO

Asturies ye una Comunidá Autónoma del noroeste de la Península Ibérica dientro d’España. Llenda al oeste con Galicia, al sur con Castiella y Lleón y al este con Cantabria.

Alministrativamente ta dixebrada en conceyos y caltién el títulu de Principáu; anguaño, el Príncipe d’Asturies ye l’herederu de la Xefatura del Estáu d’España, siendo esti títulu una tradición que remanez del sieglu XIV.

Asturies tien un territoriu de más de diez mil quilómetros cuadraos, y una población, en retrocesu, que supera’l millón d’habitantes, que falen castellanu y asturianu. Na fastera occidental, na llende con Galicia fálase a fala de transición, ente l’asturianu y el gallegu, denomada pola ALlA como eonaviegu.

La so capital ye la ciudá d’Uviéu y Xixón ye la de mayor población. Avilés, Siero, Mieres o Llangréu son otros de los conceyos de más población.

---